ՀՀ Անվտանգության խորհրդի (ԱԽ) քարտուղար Արմեն Գրիգորյանը հանդիպեց Երևանի պետական համալսարանի (ԵՊՀ) ուսանողների հետ՝ քննարկելով տարածաշրջանային և աշխարհաքաղաքական զարգացումները։ Այս հանդիպումը, որը նախաձեռնվել էր ուսանողների կողմից, տեղի ունեցավ ԵՊՀ-ի հանդիպման դահլիճում։
ԵՊՀ ռեկտոր Հովհաննես Հովհաննիսյանը կարևորեց նման հանդիպումների նշանակությունը՝ ընդգծելով, որ դրանք կարևոր քայլ են ՀՀ պաշտոնյաների և ուսանողների միջև անմիջական հաղորդակցությունը խթանելու համար։ Նրա խոսքով՝ այս հանդիպումը կնպաստի ուսանողներին հավաստի տեղեկություն ստանալուն և կլինի քաղաքական տեսանկյունից օգտակար Միջազգային հարաբերությունների ֆակուլտետի ուսանողների համար։
Հանդիպման ընթացքում ԱԽ քարտուղարը ներկայացրեց օգոստոսի 8-ից հետո Հարավային Կովկասում հաստատված խաղաղության գործընթացը և ընդգծեց խաղաղության ինստիտուցիոնալացման կարևորությունը։ Քննարկվեցին նաև տարածաշրջանային կապուղիների ապաշրջափակման ուղղությամբ իրականացվող աշխատանքները։
Այս համատեքստում քննարկվեց նաև «Թրամփի ուղի՝ հանուն միջազգային խաղաղության և բարգավաճման» հաղորդակցության ծրագրի շրջանակում ձեռնարկվող քայլերը և դրանց ներդրումը տարածաշրջանի խաղաղության և անվտանգության ամրապնդման գործում։
About the Author
