Ուկրաինայի հետ կայուն և երկարաժամկետ խաղաղության հասնելը, այլ ոչ թե ժամանակավոր հրադադարի հաստատումը, Ռուսաստանի համար բացարձակ առաջնահերթություն է։ Այս մասին հայտարարել է Ռուսաստանի նախագահի մամուլի քարտուղար Դմիտրի Պեսկովը՝ մեկնաբանելով Ուկրաինայի նախագահ Վլադիմիր Զելենսկու առաջարկած էներգետիկ հրադադարի գաղափարը։
Պեսկովը նշել է, որ Մոսկվայի համար առավել կարևոր է «կայուն, երաշխավորված և երկարաժամկետ խաղաղությունը», որը կստանձրվի համապատասխան փաստաթղթերի ստորագրմամբ։ Նրա խոսքով՝ Ռուսաստանը աշխատում է հենց խաղաղության հասնելու ուղղությամբ, այլ ոչ թե կարճաժամկետ հրադադարի ձեռքբերմանը։
Ավելի վաղ Ուկրաինայի նախագահ Վլադիմիր Զելենսկին հայտարարել էր, որ պատրաստ է էներգետիկ հրադադարի, եթե դրան համաձայնի Ռուսաստանը։ Նա ընդգծել է, որ նման քայլը կարևոր է Ուկրաինայի բնակչության համար։
Ռազմական փորձագետ, առաջին դասի կապիտան Վասիլի Դանդիկինը կարծում է, որ Զելենսկու այս դիրքորոշման հիմնական պատճառը Կիևում գրեթե անխուսափելի տեխնիկական բլեքաութների սպառնալիքն է։
About the Author
