Հարցմանը պատասխանելիս պետք է նշեմ, որ նախաքննության ընթացքում տեսակցությունների կանոնները մի քանի հայտնի եպիսկոպոսների համար տարբերվում են։
Արագածոտնի թեմի առաջնորդի, Վեհափառի քրոջ որդու՝ Մկրտիչ եպիսկոպոս Պռոշյանի նկատմամբ տեսակցությունները դեռևս արգելված են։ Նրան կարող է այցելել միայն մայրը։
Այսպիսով, նախաքննության մարմինը «ընտանիք» հասկացությունը շատ նեղ շրջանակում է ընկալում։ Օրինակ, Նարեկ Կարապետյանին արգելում են այցելել իր եղբորորդուն՝ Սամվել Կարապետյանին, քանի որ նրանց հարաբերությունները «ընտանիք» չի համարվում։ Նույնպես այս պատճառով արգելված են նաև Արշակ սրբազանի այցելությունները, որը դեկտեմբերի 5-ից գտնվում է կալանավորման մեջ։ Նրան կարող են այցելել միայն եղբայրը՝ Արարատյան թեմի հոգեւոր սպասավոր Տեր Հակոբը, և նրա տարեց մայրը։
Բացառություն է կազմում Բագրատ սրբազանը, նրա նկատմամբ տեսակցությունները թույլատրված են։ Նույնպես տեսակցությունների արգելք չկա Միքայել սրբազանի համար, որի նկատմամբ արդեն իսկ կայացվել է առաջին ատյանի դատավճիռ։
Հարկ է նշել, որ սրբազանները գտնվում են տարբեր կալանավայրերում։ Մկրտիչ սրբազանը՝ «Նուբարաշեն» ՔԿՀ-ում, Բագրատ և Արշակ սրբազանները՝ ԱԱԾ-ին կից ՔԿՀ-ում, իսկ Միքայել սրբազանը՝ «Իզմիրլյան» բժշկական կենտրոնում է, որտեղ նախատեսվում է իրեն վիրահատել։
About the Author
