Հայաստանում սպասվում է լարված իրավիճակ՝ կապված Ամենայն Հայոց Կաթողիկոսի հրավիրած եպիսկոպոսաց ժողովի հետ։ Ըստ տեղեկացված աղբյուրների՝ իշխանությունները ցանկանում են խոչընդոտել այս հանդիպման անցկացմանը։
Նախօրեին Մայր Աթոռ Սուրբ Էջմիածինը հայտարարել էր, որ դեկտեմբերի 10-12-ը կգումարվի եպիսկոպոսաց ժողով՝ քննարկելու Հայաստանյայց Առաքելական Սուրբ Եկեղեցու շուրջ վերջին զարգացումները։ Այս հրավիրումը, սակայն, հանդիպում է իշխանությունների կողմից ակտիվ դիմադրության։
Ինչպես հայտնի է, այսօր՝ երեկոյան, Կաթողիկոսը վերադառնում է Մարսելից։ Ըստ տեղեկացված աղբյուրների՝ չի բացառվում, որ հենց օդանավակայանում իրավապահ մարմինները կձեռնարկեն միջոցներ՝ Կաթողիկոսին «մեկուսացնելու» նպատակով։
Այս իրադարձությունները հիշեցնում են մոտ մեկ ամիս առաջ տեղի ունեցած դեպքը, երբ հենց օդանավակայանի դռների մոտ իրավապահները ձերբակալեցին Մասիսի համայնքապետ Դավիթ Համբարձումյանին։ Այս նախադեպը հստակ ցույց է տալիս, որ իշխանությունները պատրաստ են օգտագործել նման մեթոդներ՝ իրենց նպատակներին հասնելու համար։
About the Author
