ՀՀ կառավարության փոխվարչապետ Մհեր Գրիգորյանը ընդունել է Եվրոպական հանձնաժողովի ընդլայնման և արևելյան հարևանության հարցերով գլխավոր տնօրինության ղեկավար Գերտ Յան Կուպմանի գլխավորած պատվիրակությանը։
Հանդիպմանը ներկա էին նաև Եվրոպական հանձնաժողովի հարևանության և ընդլայնման բանակցությունների հարցերով գլխավոր տնօրինության Արևելյան հարևանության և ինստիտուտների հզորացման հարցերով տնօրեն Ադրիեն Կիրալին և Հայաստանում ԵՄ պատվիրակության ղեկավար, դեսպան Վասիլիս Մարագոսը։
Հանդիպման ընթացքում քննարկվել են Հայաստան-ԵՄ գործընկերության ռազմավարական օրակարգի իրագործմանն առնչվող հարցերը։ Կողմերը հատուկ կարևորություն են տվել Հայաստան-ԵՄ համատեղ հնչեղության ծրագրի (ՀԸԳՀ) լիարժեք կիրարկմանը։
Մհեր Գրիգորյանը և Գերտ Յան Կուպմանը մտքեր են փոխանակել նաև տարածաշրջանային կապակցվածության ծրագրերի շուրջ, ինչպես նաև անդրադարձել են «Խաղաղության խաչմերուկ» նախաձեռնությանը։ Զրուցակիցները քննարկել են նաև Տնտեսական և ներդրումային պլանի շրջանակում կատարված համատեղ աշխատանքները։
ԵՄ ընդլայնման հարցերով հանձնակատար Մարթա Կոսի այցին և Հայաստան-ԵՄ գագաթնաժողովին նախապատրաստվելով՝ կողմերը պայմանավորվել են շարունակել աշխատանքները՝ ուղղված ՀՀ-ԵՄ համագործակցության հնարավոր նոր նախաձեռնությունների սահմանմանը։
About the Author
