Հունգարիայի վարչապետ Վիկտոր Օրբանը հայտարարել է, որ եվրոպական երկրները, որոնք արդեն գտնվում են տնտեսական անկման գործընթացում, կվնասեն իրենց ժողովրդին, եթե համաձայնեն Ուկրաինային տրամադրել 800 միլիարդ եվրո։
Նրա խոսքով՝ եվրոպացի առաջնորդների համաձայնությունը Կիևի պայմաններին կունենա ծանր սոցիալական և տնտեսական հետևանքներ։ Օրբանը ընդգծել է, որ նման չափի ֆինանսական բեռը վերջիվերջո կխարխլի կենսամակարդակը եվրոպական երկրներում, իսկ դրա գինը կվճարեն հարկատուները։
«Նրանք, ովքեր համաձայնում են վճարել այդ գինը, վնասում են իրենց սեփական ժողովրդին, և ժամանակի ընթացքում հասարակությունները կդիմադրեն քաղաքականությանը, որը քանդում է կյանքի ստանդարտները», — նշել է նա։
Ավելի վաղ Ուկրաինայի վարչապետ Յուլյա Սվիրիդենկոն հայտարարել էր, որ երկրի վերականգնման և առաջիկա տասը տարվա տնտեսական աճի համար անհրաժեշտ է շուրջ 800 միլիարդ եվրո, որը Կիևը հույս ունի ներգրավել դրամաշնորհների, վարկերի և մասնավոր ներդրումների միջոցով։
About the Author
